Arkivi ndërkomunal hap ekspozitën “Gjilani në fotografi të vjetra”

Gjilan – Ekspozita e titulluar “Gjilani në fotografi të vjetra” që është realizuar nga arkivi ndërkomunal i Gjilanit pasqyron qytetin e Gjilanit nëpër kohë e vite. Në hapje të ekspozitës morën pjesë edhe Qemajl Mustafa, Ramë Manaj e Veton Nevzati.

Në galerinë e arteve në Gjilan është hapur ekspozita “Gjilani në fotografi të vjetra”. Në këtë ekspozitë që i kushtohet 100 vjetorit të shtetit shqiptarë , Gjilani përmes fotografive tregohet dhe pasqyrohet pozita, zhvillimi, rritja , infrastruktura, arkitektura e qytetit me pamje nga koha e shpalljes së pavarësisë deri në vitet `70 –ta të shekullit XX.

Në këtë aktivitet mori pjesë edhe Ramë Manaj, kryeshef i Agjencisë Shtetërore të Arkivave të Kosovës, i cili tha se është ky një organizim kuptimplotë, që para qytetarëve sjell pamje nga e kaluara e jonë dhe rifreskon memorien tonë. Sipas Manajt, faktografia e fotografia kanë një rëndësi të veçantë, ngase të tanishmen e bartin në distancë.

Edhe Qemajl Mustafa, kryetar i Gjilanit, ka thënë se ajo që është ekspozuar është një pasuri e çmueshme dhe ka folur për punën e mirë që po e bënë Arkivi Ndërkomunal i Gjilanit, i cili sipas tij do ta ketë përkrahjen edhe në të ardhmen.

Kurse Veton Nevzati drejtor për kulturë , rini e sport tha se këto fotografi shpalosin copëza të kujtesës sonë kolektive për hapësirën ku kanë jetuar qytetarët e Gjilanit.

Nazmi Mujaj drejtor i arkivit ndërkomunal tha se janë ekspozuar mbi 40 fotografi dhe kjo ekspozitë është organizuar në kuadër të 100- vjetorit të shtetit shqiptar./rajonipress/

Shpërndaje.
© RAJONIPRESS

Vërejtje!

RajoniPress.com nuk do të botojë shkrime që nuk i përmbushin kriteret dhe standardet profesionale të gazetarisë bashkëkohore. Nuk do të ketë për askënd mbyllje apo censurë, por jemi të fokusuar që në këtë agjenci, lajmi, shkrimi, raporti, intervista dhe opinioni të plotësojnë kriteret profesionale. Gjithashtu opinionet, analizat, komentet, nuk duhet të shkelin parimet etike (gjuhën e urrejtjes, fyerjet, diskriminimet e çfarëdoshme).