Arka e shtetit, 2 miliardë euro për vitin 2017

Për herë të parë, Kosova do të ketë buxhetin prej 2 miliardë eurosh.

Krahasuar me buxhetin e vitit të kaluar, arka e shtetit pretendohet të jetë e mbushur me së paku 400 milionë euro më shumë.

Kështu, të paktën ka bërë të ditur, ministri i Financave, Avdullah Hoti në një dëgjim publik të organizuar enkas për Projekt- buxhetin e vitit 2017.

Hoti me këtë rast tha se investimet kapitale do të rriten për 51 % dhe shpenzimet rrjedhëse vetëm 5 % më shumë se sa që kanë qenë në vitin 2016.