Arifi u tha deputetëve gjermanë: Lugina duhet t’i bashkohet Kosovës

Kryetari i Komunës së Preshevës, Shqiprim Arifi, në takimin me dy deputetë gjermanë ka thënë se është kundër shkëmbimit të territoreve mes Kosovës dhe Serbisë, por kërkoi që Presheva, Bujanoci dhe Medvegja t’i bashkohen Kosovës.

Pas takimeve të javës së kaluar në Berlin, kryetari i Preshevës Shqiprim Arifi priti sot dy deputetët e Bundestagut gjerman, Christian Schmidt dhe Peter Beyer.

Siç informon portali Presheva.com, kryetari Arifi gjatë këtij takimi njoftoi deputetët gjermanë rreth problemeve të qytetarëve të komunës së Preshevës me fokus të veçantë problemit të teksteve shkollore, zhvillimin ekonomik, hapjen e kufirit Miratocë-Llojan, kthimin e Gjykatës Themelore në Preshevë dhe tema më aktuale, bashkangjitja me Republikën e Kosovës.

Kryetari Arifi edhe njëherë ka shprehur qëndrimin e tij se është kundër shkëmbimit të territoreve, por është për bashkangjitje Kosovës të tri komunave të Luginës, Preshevë, Bujanoc dhe Medvegjë, por gjithmonë duke pasur parasysh qëndrimin e bashkësisë ndërkombëtare.

Deputetët gjerman kanë shprehur sot qëndrimin e tyre se janë kundër shkëmbimit të territoreve, sepse kjo çështje do të krijojë probleme të tjera që do të prekin të gjithë rajonin.

Gjithashtu e përgëzuan kryetarin Arifi për vullnetin dhe punën që është duke e bërë në Komunën e Preshevës dhe e ftuan që përësëri të vizitojë Bundestagun gjerman. /Telegrafi/

Shpërndaje.
© RAJONIPRESS

Vërejtje!

RajoniPress.com nuk do të botojë shkrime që nuk i përmbushin kriteret dhe standardet profesionale të gazetarisë bashkëkohore. Nuk do të ketë për askënd mbyllje apo censurë, por jemi të fokusuar që në këtë agjenci, lajmi, shkrimi, raporti, intervista dhe opinioni të plotësojnë kriteret profesionale. Gjithashtu opinionet, analizat, komentet, nuk duhet të shkelin parimet etike (gjuhën e urrejtjes, fyerjet, diskriminimet e çfarëdoshme).