Arifi përkujton 11 shtatorin, ndanë dhembjen me popullin amerikan

Kryetari i komunës së Bujanocit Nagip Arifi me rastin e 12-të vjetorit të sulmeve të 11 shtatorit në New York ka shkruar një letër mbështetje në përkujtimin e këtij akti që la të vdekur me mijëra qytetarë të pafajshëm.

Arifi, në këtë ditë përkujtimi, i shkruan ambasadorit të SHBA-së në Beograd Majkëll Kirbi se qytetarët e komunës së Bujanocit dëshirojnë të ndajnë një pjesë dhimbjeje me popullin amerikan, e sidomos me familjarët e viktimave.

“Njëmbëdhjetë shtatori do të ngelet thellë në kujtesën edhe të qytetarëve tanë të cilët gjithnjë do të kenë të ngulitur në mendjet e tyre këtë ngjarje makabre”, shkruan ndër të tjera në letrën drejtuar ambasadorit./Titulli.com/