Arifi: Lirinë dhe pavarësinë e sollën veprimtarët tanë – u vulosë me gjakun e dëshmorëve

Gjilan – Nexhmedin Arifi duke ju uruar qytetarëve të Vitisë shënimin e kësaj dite u shpreh se 14 qershori i vitit 1999 për qytetarët e Vitisë shënon ndarjen e epokave në atë të robërisë dhe lirisë. “Liria e popujve dhe kombeve vejnë pas përpjekjeve dhe sakrificave të mëdha, padyshim përpjekje, sakrifica dhe flijimi i bënë njerëzit tanë për të arritur atë që ka qenë synim i shumë brezave “ u shpreh Arifi.

Me rastin e 14 qershorit ditës së çlirimit të Komunës së Vitisë, sot në Viti është mbajtur një seancë solemne ku është folur për çlirimin e kësaj komune prej pushtetit të atëhershëm serb.

Me këtë rast Kryetari i kësaj Komune, Nexhmedin Arifi duke ju uruar qytetarëve të Vitisë shënimin e kësaj dite u shpreh se 14 qershori i vitit 1999 për qytetarët e Vitisë shënon ndarjen e epokave në atë të robërisë dhe lirisë.“Liria e popujve dhe kombeve vejnë pas përpjekjeve dhe sakrificave të mëdha, padyshim përpjekje, sakrifica dhe flijimi i bënë njerëzit tanë për të arritur atë që ka qenë synim i shumë brezave “ u shpreh Arifi.

Ai tha se në shënimin e kësaj date nuk është e mundur pa u përulur para njerëzve që bënë gjithçka për lirinë dhe pavarësinë e këtij vendi.“Lirinë dhe pavarësinë tonë e sollën veprimtarët tanë, ndërsa u vulosë me gjakun dëshmorëve” u shpreh Arifi.

Ndërsa edhe Kryesuesi i Kuvendit Komunal, Skëndërbe Hebibi duke hapur këtë seancë solemne ju uroj gjithë qytetarëve të vitias shënimin e kësaj dite.

Ndërsa përfaqësuesi i familjeve të dëshmorëve në Viti, tha se duke i vlerësuar vlerat e luftëtarëve të Ushtrisë Çlirimtare të Kosovës, sot ne festojmë ditën e çlirimit të kësaj komune, ndërsa shprehi lavdinë për gjithë dëshmorët e rënë.

Ndërsa pas kësaj seance Kryetari i Komunës i shoqëruar edhe nga stafi i tij, këshilltarë komunal, përfaqësuesve të policisë, partive politike si dhe qytetarë të shumtë kanë bërë homazhe në kompleksin e varrezave të dëshmorëve në Viti, ndërkaq në orët e pasdites është mbajtur një koncert kulturor-artistik në Shtëpinë e Kulturës Bajram dhe Gursel Sylejmani në Viti./rajonipress/

Shpërndaje.
© RAJONIPRESS