Arifi: Kryeministri Vuçiq erdhi në Bujanoc, por nuk u njoftua me brengat e qytetarëve

“Kryeministri ishte në Bujanoc por nuk pati mundësi që të ndëgjojë brengat e qytetarëve të komunës së Bujanocit, shpresoj që kjo të ndodhë herave tjera” ka thënë kryetari i komunës së Bujanocit Nagip Arifi në konferencën për shtyp lidhur me vizitën e kryeministrit serb Aleksandër Vuçiq që i bëri Kryqit të Kuq në Buajnocit.

Arifi gjithashtu potencoi se, gjatë ditës së djeshme përfaqësues të kabinetit të kryeministrit kanë qëndrua në Bujanoc ku janë takuar me kryetarin Arifi nga i cili kanë kërkuar që kryeministrin Vuçiq ta takojë në ambientet e Kryqit të Kuq në Bujanoc, gjë të të cilën Arifi nuk e ka pranuar, duke shtuar se ndërtesa e komunës është vendi ku duhet të priten delegacionet dhe të zhvillohen bisedat.

Njeriu i parë i komunës gjithashtu potencoi se, në komunën e Bujanocit nuk ka tensione ndëretnike, këtu tensionet janë në aspektin e zhvillimit ekonomik, dhe këtë e dijnë mirë edhe ndërkombëtarët por edhe vendorët, sepse armiku më i madhë është mos zhvillimi ekonomik, tha kryetari Arifi.

Kryetari i komunës së Bujanocit gjithashtu potencoi se, dezinformatat që janë dhënë nga disa media shqiptare se unë e kam ftuar kryeministirn, nuk janë të vërteta, dhe në këtë drejtim është shtrembëruar deklarata ime, duke shkruar edhe gjëra të cilat nuk I kamë thënë./BujanociNet/