Arifi: Brengë kryesore e vitiasve mbetet papunësia

Gjilan – Ne po bëjë çmos në përmirësimin e jetës së qytetarëve, por brenga kryesore e tyre është papunësia, kjo mund të zbutet me zhvillimin e bujqësisë, sektor ky shumë i rëndësishëm për zhvillimin e këtij vendi ka thënë kryetari i Vitisë Nexhmedin Arifi në takim me KFOR-in amerikan.

Komandanti i LMT-së Majori Hartsock nga radhët e ushtrisë Amerikane ka vizituar të mërkurën Komunën e Vitisë dhe me këtë rast është takuar me të parin e kësaj komune Nexhmedin Arifi. Gjatë këtij takimi që ka pasur karakter informativ kryetari Arifi e ka njoftuar atë me situatën e sigurisë në këtë Komunë si dhe me zhvillimet e gjithëmbarshme.

Kryetari Komunës së Vitisë, Nexhmedin Arifi duke e njoftuar Majorin Hartsock me zhvillimet e gjithëmbarshme dhe atë të sigurisë tha se gjendja e sigurisë në Komunën e Vitisë është qetë dhe stabile.

Arifi gjithashtu i ka njoftuar atë me përpjekjet e institucioneve lokale të Vitisë në përmirësimin e jetës së qytetarëve përmes investimeve kapitale. “Ne po bëjë çmos në përmirësimin e jetës së qytetarëve, por brenga kryesore e tyre është papunësia, kjo mund të zbutet me zhvillimin e bujqësisë, sektor ky shumë i rëndësishëm për zhvillimin e këtij vendi ” tha Arifi.

Kryetari Arifi përmendi edhe bashkëpunimin e komunës së Vitisë me komunat e tjera si ajo e Kllokotit duke përmendur edhe hartimin e përbashkët të Planit Zhvillimor Komunal dhe Urban si dhe disa projekte të cilat janë realizuar se bashku.

Majori Hartsock falënderoi kryetarin Arifi për takimin e sotëm duke e njoftuar atë me stafin e LMT-së në Viti , megjithatë ai tha se ne jemi të gatshëm për bashkëpunimin./rajonipress/