Ardit Tahiri mposht Feronikelin

Pas pushimit rreth tre muajve Superliga e Kosovës në futboll i është rikthyer fushave të blerta të futbollit për ta filluar kampionatin e ri 2021/22.

Risia e këtij kampionati është se edhe në futbollin e Kosovës do të kemi sistemin e VAR-it.

Nënkampionia e Kosovës, Drita, në stadiumin e qytetit në Gjilan në javën e parë ishte nikoqire e Feronikelit.

Futbollistët e Dritës mjaft mirë e filluan ndeshjen në minutën e 13-të, Broja gjuan fuqishëm portieri mysafir Smakiqi mbron.

Almir Ajzeraj në minutën e 25 e 39-të dështon nga pozitat ideale ta mposht Smakiqin e mysafireve.

Në fund të pjesës së parë pas një gabimi të mbrojtësit të Dritës, Cuculit, më së miri gjendet Kiqina i cili me mjeshtri mposhtë portierin Rexhepin e Dritës.

Zëvendësuesi Ardit Tahiri, sulmuesi i ri i Dritës, tregon kualitetet e tij për tre minuta.

Së pari në minutën e 77-të kalon tërë mbrojtjen e Feronikelit duke mposhtur Samkiqin.

Tre minuta më vonë edhe njëherë, Tahiri shëtitë mbrojtjen mysafire e me gjuajtje precize sjell skuadrën e tij në epërsi në 2-1, duke i siguruar tri pikët e para në këtë stinorë skuadrës së Dritës./rajonipress/