Ardit Kastrati: Po largohem nga AAK-ja e cila po shkon drejtë fundosjes

Gjilan – Ardit Kastrati i cili thotë se ishte kryetar i nëndegës Dardania II ka dhënë dorëheqje siç thotë ai për shkak se AAK dhe anija e saj po shkon drejt fundosjes.

Ardit Kastrati i ka dërguar një letër rajonipressit ku tregon arsyet e largimit nga AAK në Gjilan. “Po largohem nga anija e cila po shkon drejtë fundosjes. Duke e parë se dega e AAK-së në Gjilan po udhëhiqet nga “disa” njerëz që shohin vetëm interesat e tyre personale e familjare, ku me veprimet e tyre po e dërgojnë partin drejt fundosjes, prandaj që nga sot jap dorëheqje, si Kryetar nëndege Dardania II “ ka shkruar Kastrati.

Kastrati ka shtuar se si aktivist, dhe si votues i thjesht i AAK-së i kërkoj falje të gjithë atyre që i kam shqetësuar dhe kam ndikuar tek ata gjatë kohës së zgjedhjeve për të votuar këtë parti.

Kurse Rexhep Kadriu kryetar i AAK-së në Gjilan tha për rajonipress se AAK tash është në proces zgjedhor dhe normalisht që ka njerëz të pakënaqur dhe do të shkarkohen në të ardhmen ata që nuk kanë punuar sepse ne jemi zotuar se do të punojmë me njerëz të pastër. AAK është e konsoliduar dhe unë e kam pranuar dorëheqjen e tij tha Kadriu. /rajonipress/