RCCOLA

Ardijan Cuculi vulos derbin e 30-të

/ 3 minuta lexim

Derbi javës së 7-të, në mes Gjilanit dhe Dritës nuk ka prodhuar futboll cilësor ashtu siq është pritur nga dashamirët e futbollit anembanë Kosovës e më gjerë.

Sot në stadiumin e qytetit në Gjilan në praninë e 10,000 shikuesve, në një ambient festivë futbollistik të cilët kanë krijuar tifozët “Skifterat” e “Intelektualët”, ka dëshmuar se qyteti i Gjilanit me të drejt mban epitetin e qytetit të futbollit.

Në praninë e shumë mysafireve në stadium edhe nga Shqipëria e Maqedonia e Veriut dhe shumë fytyrave politike në Kosovë, kanë parë nga afër festën futbollistike.

Gjatë 90 minutave nuk u pa ndonjë lojë interesante me aksione të shumta, kryesisht ndeshja u zhvillua në gjysmë fushat kundërshtare.

Futbollistët e Dritës kishin më tepër nga loja, ndërsa futbollistët e Gjilanit kanë zhgënjyer me paraqitjen e tyre duke mos krijuar asnjë rast shënimi në portën e portierit të Dritës, Darko Tofiloski.

Në rastin e parë në minutën e 28-të, Xhevdet Shabani nga goditja e lirë rreth 20 metra nga këndi harkon në tollovinë e krijuar më së miri gjendet Ardijan Cuculi i cili plason topin në rrjetën e Haxhihamzës të pafuqishëm.

Uji Dea

Futbollistët e Dritës rrezikojnë edhe në minutën e 35-të, Xhevdet Shabani gjuan furishëm nga 30 metra por Haxhihamza ishte i vëmendshëm.

Futbollistët e Gjilanit të vetmen gjuajtje të cilën e bënë gjatë 90 minutave ishte në minutën e 51-të, kur Progni gjuan nga 18 metra por drejt në duart e portierit Tofilovski.

Trajneri i Gjilanit, Gentijan Mezani, pas ndeshjes ka deklaruar.
“Skuadra kishte një lloj frige gjatë tërë ndeshjes dhe bëmë një paraqitje jo të mirë, pjesa e dytë ishte katastrofike këtë e mundësuan arbitrat dhe futbollistët e Dritës që qëndronin të shtrirë, Drita fitoi nga një goditje ndërsa asgjë nuk tregoi më tepër”.

Trajneri i Dritës, Ardian Nuhiu, pas ndeshjes ka theksuar se fitoren ju dedikon “Intelektualëve”.
“Ne kemi kualitet më tepër se skuadra e Gjilanit, kjo u dëshmua edhe sot duke dominuar në çdo pjesë të fushës, kjo fitore është për tifozët “Intelektualët” ata e meritojnë të festojnë sot”.

Me këtë fitore Drita ngjitet në pozitën e dytë me 14 pikë të tubuara ndërsa Gjilani në pozitë të 6 me 12 pikë./rajonipress/