Njëri ndër trajnerët më të mirë pasluftës në Kosovë, padyshim është trajneri nga Shkupi, Ardian Nuhiu, i cili për katër vite në futbollin e Kosovës drejtoi FC Dritën drejt titullit të kampionit, duke lënë gjurmë në futbollin e Kosovës.
Pas shkarkimit të trajnerit të Prishtinës, Ismet Munishi në shumë media është lakuar emri i trajnerit nga Shkupi, Ardian Nuhiu i cili do ta merr pankinën “bardh ekaltër” të Prishtinës.
Trajneri i respektuar nga shumë klube të Kosovës e më gjerë, lidhur me thashethemet se do të jetë trajner i FC Prishtinës ka deklaruar. “Është e vërtet, kam parë disa shkrime se është biseduar me mu lidhur me këtë çështje, por nuk është e vërtet. Për hirë të opinionit dua të sqarohem se nga kryesia e FC Prishtinës askush nuk më ka kontaktuar dhe këto deri tani janë vetëm thashetheme”.
Por, trajneri Nuhiu ka theksuar se nëse e kontakton kryesia e këtij klubi do të uleshim e të bisedojmë. “Nëse do të kisha ndonjë ftesë nga zyrtarët e FC Prishtinës, së pari do ta shikoja projektin e skuadrës se çfarë kërkojnë, aspiratat e klubit, fondin e futbollistëve e kështu me radhë, ne jemi trajner profesionist, sot jemi këtu nesër dikund tjetër kështu e ka karriera e trajnerit – nuk i dihet asnjëherë”.
