Ardian Nuhiu: Nuk kemi tjetër objektiv përpos fitores

Gjilan – Në ambientet e FC Dritës sot është mbajtur konferenca për shtyp para derbit të nesërm, në mes Dritës e Gjilanit, ku pritet një derbi i zjarrtë në mes rivalëve të përbetuar.

Trajneri i Dritës, Ardian Nuhiu në konferencë për gazetar është shprehur mjaft optimist duke kërkuar që nesër futbollistët e tij të rikthehen fitores pas dy humbjeve të njëpasnjëshme. “Nesër na pret një derbi shumë i vështirë por edhe i rëndësishëm për skuadrën tonë, spektakli në këtë derbi nuk do të mungon si në tribuna poashtu edhe në fushë, tek skuadra ime gjatë këtyre ditëve kam parë një mobilizim të madh, ne kemi armët tona dhe cilësinë tonë të gjithë futbollistët e dinë rëndësinë e kësaj ndeshje. Skuadra e Gjilanin ka skuadër të mirë këtë e dëshmojnë edhe rezultatet por ne kërkojmë pikët në këtë derbi, për t’ju rikthyer rezultateve pozitive. Se sa është e rëndësishme kjo ndeshje ju kam treguar futbollistëve që janë me fat që janë pjesë e këtij derbi”./rajonipress/