Ardian Nuhiu: E merituam kualifikimin

Trajneri i Dritës, Ardian Nuhiu, pas fitores kundër Inter Turku, ka deklaruar se skuadra e tij meritoj kualifikimin në raundin tjetër të Conference League.

“Personalisht për mua, ndeshja e parë më ka dhënë besim të plotë se do të luajmë ndeshje të tillë. Kemi humbur nga një episod, ndonëse krijuam raste. Por kishim besim të fuqishëm. Edhe pas ndeshjes atje e kam parë në fytyrat e lojtarëve se kishim besim. E kemi analizuar ndeshjen në çdo detaj. Duhet të përgëzoj lojtarët për shpirtin luftarak, për angazhimin”, ka theksuar Nuhiu.

“Fitoren kam dëshirë t’ua kushtoi ‘Intelektualëve’ që kanë mbështetur skuadrën për 90 minuta. Por edhe familjes time. Më meritorët janë futbollistët që besuan fuqishëm. Pos që fituam, nuk lejuam kundërshtarin të na rrezikoi asnjëherë. Rezultati ka mundur të jetë më i thellë”, ka shtuar trajneri shkupjan. Tani Drita përballet me Antwerpin belg.