Ardian Nuhiu: Drita ka kaluar krizën, synojmë fitore ndaj Llapit

Gjilan – Trajneri i Dritës, Ardian Nuhiu, në konferencën e sotme për shtyp me gazetarë ishte mjaft optimist se skuadra e tij më në fund ka tejkaluar krizën të cilën e kishte në javët e fundit.

“Udhëtimi në Podujevë do të jetë mjaft i vështirë pasiqë edhe skuadra e Llapit ka një skuadër të fortë e cila shquhet me lojë ofanzive. Unë kam besim tek futbollistët e mi të cilët do të zhvillojnë një ndeshje të mirë për tu kthyer me pikë, ndoshta problem do ta kemi pak fushën e Llapit por besoj se do t’ja dalim, ne do ta shfrytëzojmë potencialin që kemi pasiqë skuadra dalëngadalë po kompletohet”, ka bërë të ditur trajneri Ardian Nuhiu.

Në këtë ndeshje do të mungon edhe më tutje Arbnor Muja dhe Erjon Vucaj të cilët kanë lëndime./rajonipress/