Ardian Limani: Në Podujevë kërkojmë tri pikë

Gjilan – Apetitet e skuadrës “bardh e kaltër” të Dritës, janë rritur me të madhe pasi mposhtën Feronikelin në javën e 19-të, kësaj radhe kërkojnë viktimë e tyre të jetë skuadra e Llapit e cila dimëroi në pozitën e parë në Superligën e Kosovës në futboll.

Llapjanët nuk startuan ashtu siç duhet, pasi në ndeshjen e parë në stinorin pranverore u mposhtën nga Prishtina duke humbur kryesimin e tabelës.

Futbollistët e Dritës si asnjëherë më parë janë të vendosur që nga Podujeva të kthehen me gjah të plotë, këtë e konfirmon kapiteni dhe futbollisti i Përfaqësueses së Kosovës, Ardian Limani.
“Ne nuk kemi se çka të kalkulojmë udhëtojmë në Podujevë për tri pikë, e dimë se skuadra e Llapit ka futbollist mjaft cilësor por ne kërkojmë fitore vetëm në këtë mënyrë mundemi ti arrijmë synimet tona. Në taborin tonë gjithçka është në rregull dhe mezi presim të zbarkojmë në fushë dhe të dëshmojmë se skuadra e Dritës në këtë stinor ka ambicie shumë serioze për titull të kampionit, për krah skuadrës do të kemi edhe futbollistin e 12-të, “Intelektualët” të cilët do t’ja mësyjnë qytetit të Podujevës”, ka bërë të ditur kapiteni i Dritës, Ardian Limani.

Pas 19-të javëve të zhvilluara Drita zë pozitën e tret me 33 pikë, ndërsa Llapi në pozit të dytë me 34 pikë./rajonipress/