Ardian Limani: Në derbi kërkojmë 3 pikë, së bashku me “ushtrinë” tonë Intelektualët

Gjilan – Nuk ka dyshim se sa herë zhvillohet derbi lokal i qytetit të Gjilanit dhe i futbollit Kosovar, emocionet gjithnjë bëhen më të forta dhe nuk kursehet asgjë për të mirën e futbollit.

Kapiteni i Dritës dhe futbollisti i Përfaqësueses së Kosovës, qendërmbrojtësi Ardian Limani, i cili është shtyllë e mbrojtjes së klubit “bardh e kaltër” të Dritës, mezi pret që të përballet me rivalin lokal Gjilanin.

Limani me të drejt shton se për klubin e tij, kjo ndeshje ka peshën më të madhe gjatë tërë këtij kampionati.
“Edhe pse kanë mbetur edhe 4 javë gjerë në përfundim të kampionatit, sfida ndaj rivalit lokal është sfida më e rëndësishme e këtij kampionati dhe është e paparashikueshme, në këso derbi vendosin gabimet më të vogla. Është një ndjenjë e veçantë gjithmonë kur përballësh në derbi lokal, por ma e veçantë është kësaj radhe pasiqë ne jemi në luftë për titull të kampionit dhe përpos fitores alternativë tjetër nuk kemi, por këtë mundemi ta arrijmë përmes lojës së mirë që do të zhvillojmë. Si kapiten e ndjej vetën të obliguar që këtë sfidë t`i udhëheq bashkëlojtarët e mijë drejt triumfit që ka vlerën e tri pikëve të mëdha”.

Qendërmbrojtësi Limani, të arriturat e skuadrës së tij ja dedikon tifoklubit “Intelektualëve”.
“Çdo rezultat i arritur lidhet ngushtë me “Intelektualët”, pasiqë ata janë “ushtria” jonë e pa ushtri nuk ka as betejë. Ne kemi tifozët më të mirë në trojet shqiptare ata janë motivi ynë, ne as që kemi nevojë t’ju bëjmë thirrje për derbi ata janë të vetëdijshëm se sa të rëndësishëm janë për klubin, por një e di se ata do të japin ligjërata të reja në shkallët e stadiumit, e neve na mbetët që në fund t`i gëzojmë ata dhe të vazhdojmë rrugën drejt titullit”, përfundon kapiteni Limani.

Derbi lokal zhvillohet të mërkurën duke filluar në ora 16:00 në stadiumin e qytetit në Gjilan./rajonipress/

Shpërndaje.
© RAJONIPRESS

Vërejtje!

RajoniPress.com nuk do të botojë shkrime që nuk i përmbushin kriteret dhe standardet profesionale të gazetarisë bashkëkohore. Nuk do të ketë për askënd mbyllje apo censurë, por jemi të fokusuar që në këtë agjenci, lajmi, shkrimi, raporti, intervista dhe opinioni të plotësojnë kriteret profesionale. Gjithashtu opinionet, analizat, komentet, nuk duhet të shkelin parimet etike (gjuhën e urrejtjes, fyerjet, diskriminimet e çfarëdoshme).