Ardian Limani: Në derbi gjithmonë luftojmë për fitore dhe asgjë tjetër

Gjilan – Kapiteni i “bardh e kaltërve” të Dritës, Ardian Limani, të dielën për herë të 13-të zhvillon ndeshjen e tij ndaj rivalit lokal Gjilanit.

Skuadra e Dritës kësaj radhe është në cilësinë e mysafiret, por Limani thekson se skuadra e tij është e gatshme që nga ky derbi të dal fitues.

“Për mua ky derbi është i 13-të që e zhvilloj dhe për këtë jam shumë krenar që e përjetoj një derbi të tillë, si gjithmonë në derbi nuk ka kalkulime nuk është e rëndësishme se në cilën pjesë të tabelës je me rëndësi është të dalësh fitues nga derbi, edhe pse me ditë të tëra bisedohet për derbi në fund të 90 minutave të ndeshjes të gjitha harrohen por rivaliteti mbetet gjithmonë dhe kjo është e mira e derbit lokal dhe ne i japim hijeshi futbollit Kosovar”.

Kapiteni Limani ka bërë të ditur se skuadra e tij Drita në fund do të dal e buzëqeshur.
“Ne jemi në cilësinë e mysafirët në këtë derbi dhe tribunat e stadiumit do të jenë të vogla për tifozët”Intelektualët” që për neve gjithmonë janë futbollisti ynë i 12-të , përpos fitores dhe angazhimit të pashoq asnjë rezultat tjetër nuk e pranojmë”./rajonipress/

Shpërndaje.
© RAJONIPRESS