Ardian Gashi arsyeton formën e dobët

Mesfushori kosovar, Ardian Gashi ka përmendur disa arsye pse një futbollist nuk mund të jetë gjithmonë në formën më të mirë. Ai të premten për “hd.se” ka thënë se ngarkesa e madhe gjatë një kampionati bën që të bjerë nga forma. “Është e vështirë të jesh gjithmonë në formë të lartë, kur ke shumë ndeshje për të zhvilluar”, ka thënë Gashi.

Pos problemeve fizike Ardiani përmend edhe një faktor tjetër. “Je gjithmonë me mend në futboll. Kjo nuk është gjithmonë gjë e mirë, sidomos jo kur jeni duke kaluar kohën me familjen dhe miqtë”, ka shtuar ai.

Gashi, 31-vjeçar, pjesë e Helsingborgut është që nga viti 2010. Ai me këtë skuadër ka kontratë deri në vitin 2014.