Arbnor Muçolli sërish protagonisti kryesor në fitoren minimale të Goteborgut

Ekipi i Goteborgut ka shënuar fitore me rezultat 1-0 ndaj Brommapojkarna, me Arbnor Muçollin si protagonistin kryesor të ndeshjes.

Në ndeshjen e cila ishte e vlefshme për javën e 23-të të futbollit suedez, Muçolli shënoi me stil nga pika e penalltisë, me atë që njihet në botën e futbollit si ‘panenka’. Ky gol erdhi në minutën e 62-të të takimit.

Me këtë gol, Muçolli kap shifrën e pesë golave të shënuar në kampionat, teksa numëron edhe dy asistime.

Në këtë takim, debutoi gjithashtu edhe Astrit Selmani që është njëherësh bashkëlojtar me Muçollin. Ai luajti 86 minuta në këtë takim para se të zëvendësohej disa minuta pa përfunduar ndeshja nga trajneri Jens Askou.

Për ekipin kundërshtar në fushë u paraqit edhe Leonard Zuta, i cili u fut në lojë nga banka rezervë në minutën e 79-të të takimit.

Pas kësaj ndeshje, të dy ekipet kapin kuotën e 26 pikëve me Goteborg që renditet në pozitën e 11-të në tabelë dhe me Brommapojkarna në të 12-tën respektivisht./Telegrafi/