Arbnor Morina: Respekt për Trepçën’89, por synojmë fitoren

Gjilan – Nesër në stadiumin e qytetit në Gjilan, skuadra “bardh e kuq” e Gjilanit, është nikoqire e kampionit aktual të futbollit të Kosovës, Trepça’89, ndeshje e vlefshme në kuadër të javës së 16-të, të Superligës së Kosovës në futboll.

Djelmoshat e trajnerit Arbnor Morinës, për këtë ballafaqim i cili konsiderohet derbi i kësaj jave, gjatë ditëve të kaluara janë përgatitur maksimalisht.

Për trajnerin, Arbnor Morina, ky ballafaqim pritet si në të gjitha ndeshjet gjerë më tani.
“Në respektojmë skuadrën e Trepçës’89, në radhët e saja ka futbollist mjaft të mirë, por kanë edhe një trajner mjaft cilësor, i cili din çka kërkon gjatë 90 minutave. Ne do të hyjmë si gjithmonë për fitore pasiqë kam shumë besim tek futbollistët e mijë, edhe kësaj radhe do të paraqitemi me lojë të mirë dhe synojmë fitoren e radhës për ti kënaqur tifozët “Skifterat”, të cilët po na përkrahin me zemër, unë dhe futbollistët e mijë do të japim më të mirën që tifozët tanë të krenohen me klubin e tyre, dhe është një rast i mirë që nesër stadiumi të stërmbushet me tifozët tanë që janë më të mirët në Kosovë”./rajonipress/