Arbnor Morina: Ndaj Llapit lojë të hapur

Gjilan – Në kuadër të Javës së 19-të, futbollistët e Gjilanit udhëtojnë në Podujevë ku do të takohen më Llapin ndeshje e vlefshme e Vala Superligës së Kosovës.

Futbollistët e Gjilanit në javën e parë pranverore në ballafaqim me rivalin lokal Dritën i munguan minutat e fundit ti gëzohen fitores duke luajtur baraz 1-1, ndërsa futbollistët e Llapit në udhëtimin në ndeshjen e parë pranveror pësuan humbje minimale në Pejë ndaj Besës, të dy skuadrat ne takimin që zhvillohet nesër kërkojnë pikët e saja.

Trajneri i Gjilanit Arbnor Morina edhe pse ka disa mungesa në formacion pret lojë të hapur dhe lojë të mirë.
“Në këtë ballafaqim kemi mungesa nuk do të paraqitet Thaqi, Haxhimusa, B.Ahmeti, por megjithatë ata të cilët do të paraqiten në fushë jam i bindur se do të japin maksimumin, udhëtojmë për lojë të hapur përmes lojës së mirë do të kërkojmë pikët tona, respekt Llapit por nuk jemi pa gjasa futbolli zhvillohet 90 minuta”, ka thënë trajneri i Gjilanit Arbnor Morina./sylejman ismajli/rajonipress/