Arbnor Morina kryen operacionin e parë me sukses

Gjilan – Trajneri i KF Gjilanit dhe njëri ndër trajnerët më të mirë në futbollin e Kosovës, sot pasdite me sukses ka kryer operacionin në lukth.

Me të marrë lajmin për gjendjen shëndetësore të tij tifozët e KF Gjilanit, “Skifterat”, i kanë uruar shërim sa më të shpejt ndërsa ata kanë bërë të ditur se do të jenë përkrah trajnerit të tyre të respektuar, Arbnor Morinës.

Morina edhe pse në gjendje të lodhur shëndetësore, si gjithmonë ashtu siç është transparent dhe i dashur për sportist e qytetarë, ka bërë të ditur për gjendjen e tij shëndetësore.
“Sot kam kryer një operacion në lukth në orët e pasdites dhe jam nën narkoz, por gjendja është stabile, ndërsa pas disa javësh apo ditësh do t`i nënshtrohem edhe një operacioni tjetër në idhëz”.

Morina nga zemra i ka falënderuar të gjithë ata që i kanë qëndruar pranë në këto momente të vështira.

Ndërsa ne, ja bashkangjesim të gjitha urimet më të mirat për shëndetin e tij./rajonipress/