Arbnor Morina: Jemi të hendikepuar, por pikët mbesin në Gjilan

Gjilan – Java e 23-të e Superligës së Kosovës në futboll përmbyllet nesër me ndeshjen Gjilani e Flamurtari, e cila pritet të jetë mjaft interesante, djelmoshat nga “Xhemajl Ibishi” kërkojnë pikët e barazhit ndërsa “kuq e bardhët” e Gjilanit pikët për ruajtjen e kreut të tabelës së klasifikimit.

Trajneri i Gjilanit, Arbnor Morina, edhe pse do të jetë i hendikepuar pa shumë futbollist për shkak lëndimeve dhe kartonave shpreson në fitoren e radhës.
“Çdo ndeshje duhet respektuar secila skuadër ka aspiratat e saja, kemi hyr në fazën e tretë të garave dhe nuk do të ketë skuadra favorite të gjitha skuadrat i kenë qelë aspiratat e tyre. Ne do të jemi shumë të hendikepuar do t’na mungojnë Rusi, Haxhimusa, Kaqiu e Hajdini, por unë besoj shumë në futbollistët e mijë, do të angazhohemi maksimalisht të tregojmë lojë të mirë të marrim rezultat pozitiv e kjo më së shumti tani i duhet skuadrës kur jemi të hendikepuar”, ka bërë të ditur, Arbnor Morina./rajonipress/