Arbnor Morina: Jam i lumtur që jam pjesë e derbit më të madh Kosovar

Gjilan – Trajneri i “kuq e bardhëve” të Gjilanit, Arbnor Morina, i cili konsiderohet njëri ndër trajnerët më të mirë në futbollin e Kosovës i cili ka stabilizuar KF Gjilanin dhe po drejton në binarët e duhur, para sfidës së derbit me rivalin lokal Dritën, ka porositur dashamirët e futbollit.

“Të shtunën zhvillohet derbi i madh lokal dhe atij Kosovar në mes Gjilanit dhe Dritës, për mua është një kënaqësi ta përjetosh rivalitetin sportiv dhe për këtë jam i lumtur që i takoj këtij derbi fantastik. Unë me futbollistët e mijë dëshiroj që edhe kësaj here të tregojmë që ky derbi fillon dhe mbaron me lojë të mirë dhe spektakël dhe këso ndeshje i duhen futbollit Kosovar”.

Morina ndihet krenar që në shkallët e stadiumit do të jenë dy tifozërit kundërshtare “Skifterat” dhe “Intelektualët”.
“Dy tifozërit janë mjeshtër të llojit të vet për të krijuar atmosferë futbollistike, e mbi të gjitha jam i lumtur që asnjë herë gjerë më tani nuk ka ndodhë as ma i vogli ekses dhe kjo duhet të lavdërohet, dhe futbollistët në fushë duhet ti shpërblejnë me angazhimin e tyre”.

Morina ka bërë të ditur se në radhët e Gjilanasve do të kenë disa mungesa.
“Në radhët tona i kemi disa mungesa por ata që do të paraqiten në fushë do të japin gjithçka nga vetja për rezultat pozitiv dhe për të nderuar ngjyrat e klubit, ndërsa tifozët tanë “Skifterat” edhe kësaj radhe do ti kemi mbështetës të pakontestueshëm dhe ju bëj apel që vetëm në mënyrë sportive nderoni emrin e juaj dhe ngjyrat e klubit”, ka përfunduar trajneri Arbnor Morina./sylejman ismajli/rajonipress/