Arbnor Morina: Gjilani është favorit por ne kemi adutet tona

Skuadra debatuese në Superligën e Kosovës Arbëria nga Dobraja është befasia më e këndshme në Superligë gjatë katër javëve të zhvilluara.

“Furia e kuqe” e Arbërisë nesër zhvillon takimin e saj të rregullt si mysafire me Gjilanin. “Kuq e zinjët” e Dobrajës nga katër ndeshjet e zhvilluara ende nuk e kanë shijuar humbjen, deri më tani kanë shënuar dy fitore dhe dy barazime duke u pozicionuar në pozitën e dytë me 8 pikë.

Për trajnerin e “kuq e zinjëve” të Arbërisë Arbnor Morina i cili për një kohë të gjatë ishte pjesë e Gjilanit ndeshja ndaj Gjilanit do të jetë e vështirë por jo e pa kapërcyeshme.

“Nesër zhvillojmë ndeshjen ndaj një skuadre me renome dhe me futbollist super të mirë dhe kualitativ siç është Gjilani por ne do të mundohemi të luajmë lojën tonë siç kemi luajtur deri më tani Gjilani është favorit por futbollistët e mi po japin krejt çka po munden nga vetja dhe nuk do të jemi autsajder në këtë ballafaqim
janë 90 minuta për tu zhvilluar nuk do të dorëzohemi lehtë edhe ne kemi adutet tona”, ka bërë të ditur tekniku i Arbërisë, Morina./rajonipress/