Arbër Ismajli uron volejbollistet e Dritës për triumfin në Kupën e Kosovës

Gjilan – Nënkryetari i Komunës së Gjilanit, Arbër Ismajli, ka uruar volejbollistet e Dritës për fitimin e Kupës së Kosovës.

Ismajli ka uruar duke theksuar se kjo gjeneratë e volejbollisteve po na bën krenar me paraqitjet e saja të jashtëzakonshme.

Në rrjetin e tij social në ‘facebook’, në urimin e nënkryetarit Arbër Ismajli, ndër të tjera thuhet:

Të dashur qytetarë,
Krenari e jashtëzakonshme për kryeqytetin e sportit, që Klubi i Volejbollit “Drita” në kategorinë e femrave, sonte, për herë të 5-të e sjellin titullin kampion në qytetin e Gjilanit, duke na e zbardhur fytyrën me të arriturat e jashtëzakonshme të tyre. E urojmë këtë gjeneratë të artë të vashave tona, duke i falënderuar përzemërsisht për reprezentimin më me zemër të qytetit tonë. Urime klubit KV “Drita” dhe të gjithë sportdashësve. Të lumtur që i përkasim epokës së kësaj gjenerate të artë.
Faleminderit, Lorik Ilazi dhe Jakup Shabani!
K.V “Drita” Champion