Arbër Ismajli takohet me legjendën e sportit kombëtar Jakup Berisha

Gjilan – Për mua ishte kënaqësi dhe nder i veçantë, ta takoja Jakup Berishën, gjilanasin i cili i mbrojti ngjyrat e Kombëtares së ish Jugosllavisë. Ai rrjedh prej një familje intelektualësh e patriotësh, ku, familja e tij, ishte synim përndjekjeje nga UDBA, me ç`rast, në vitin 1944, Jakupit, ia pushkatuan gjyshin, Ymer Berishën, dhe, axhën, Esat Berisha ka shkruar Arbër Ismajli.

Postimi i plotë i Arbër Ismajlit

Kishin kaluar 10 vite pas luftës së dytë botërore, kur, Jakup Berisha, arrin në majet e futbollit të ish Jugosllavisë. Jakup Berisha karrierën e filloi si 15 vjeçar në C.Zvezda në Gjilan, e më pas, si 17 vjeçar, arriti t’i mbrojë ngjyrat e Kombëtares së ish Jugosllavisë.
Berisha, pavarësisht frikës, përndjekjeve e përvuajtjeve të familjes së tij, vendosi të shkonte në Beograd për përçuar potencialin dhe zërin e shqiptarëve, sepse ishte i vetmi nga Kosova, Maqedonia, Mali i Zi, Bosnja e Hercegovina dhe nga Sllovenia.

Kur shkoi në Beograd për të luajtur për Kombëtaren e ish Jugosllavisë, askush nga futbollistët nuk e mirëpritën mirë, për arsye të prejardhjes së tij si i vetmi shqiptarë. Aty kishte emra shumë të mëdhenj të asaj kohe, siç ishin Shekullarac, Shoshkiq, Galiq,
Stipiq, Popoviq, Mugosha, Mlladenoviq. Ai që e përkrahu masivisht, ishte Kroati, Kovaqeviq.

Jakup Berisha, takimin e parë që e kishte me selektorin e Jugosllavisë, Misha Paviq, i kishte thënë se, t’i do të jesh ardhmëria e futbollit të Jugosllavisë, jeni talenti më i madh që kam dëgjuar ndonjëherë.

Përgjatë karrierës së tij, mbrojti ngjyrat edhe në Liria të Prizrenit, në Trepçën e Mitrovicës. Njeriu që aq shumë e donte futbollin, sistemi Jugosllav nuk e la të përparonte mjaftueshëm, për shkak të bindjeve politike ndaj çështjes shqiptare.

Ai ushtroi funksionin e trajnerit për dy vite në C. Zvezda të Gjilanit, përgjatë viteve 1973 – 1975, dhe, më pas vazhdoi në Dritë përgjatë viteve 1982 – 1984. Përgjatë viteve 1993 -1996 ishte përgjegjës i grupit të Ferizajit. Në Federatën e Futbollit të Kosovës nga viti 1991 – 2000, ishte anëtar i kryesisë.

Jakup Berisha, do të jetë përherë në mbamendjen e shqiptarëve, si nismëtari i parë, i cili arriti t’i thejë barrierat e Kombëtares së ish Jugosllavisë, dhe, të ngritë emrin e shqiptarëve si talentët më të mëdhenjë të kohës së tij.
Faleminderit, legjendë!