Arbër Ismajli përkrah aksionin për të pastruar hapësirat publike

Gjilan – Në këtë aksion janë bashkangjitur këshilli i lagjës së 8-të, dhe, OJQ “Fuqia e Bashkimit Rinor”, të cilët treguan gatishmëri dhe vullnetin e tyre të madh për t’i pastruar hapësirat publike të kësaj lagje, si dhe, mbjelljen e drunjëve ka shkruar Arbër Ismajli.

Postimi i plotë i Arbër Ismajlit

Të dashur qytetarë,
Është kënaqësi të jesh pjesë e këtij aktiviteti të njëpasnjëshëm të rritjes së vetëdijes qytetare ndaj ambientit. Jemi në ambientet e lagjes së 8-të. Kjo lagje shquhet për vetë-organizime të mëdha, e cila iu shërben përmirësimit të nevojave të komunitetit në përgjithësi.

Në këtë aksion janë bashkangjitur këshilli i lagjës së 8-të, dhe, OJQ “Fuqia e Bashkimit Rinor”, të cilët treguan gatishmëri dhe vullnetin e tyre të madh për t’i pastruar hapësirat publike të kësaj lagje, si dhe, mbjelljen e drunjëve.

Shembulli tipik i kësaj lagje, dhe, i këtyre të rinjëve të OJQ “Fuqia e Bashkimit Rinor”, është moment krenarie dhe përkushtimi për ndërtimin e një ambienti, i cili në themel bartë shëndet të plotë, dhe, jep imazh piktoresk për ata të cilët duan ta kenë.

Ndërtimi i një ambienti gjelbërues, pa mbeturina, dhe me një imazh pozitiv për shoqërinë tonë, është themel i ndërtimit të vlerave të një shoqërie të pastër demokratike. Dalë nga dalë, do të jem në stadin kur shoqëria jonë, përfundimisht, do t’i gëzon shumë vlera të një ambienti të pastër e cilësor.

Faleminderit këshilli i lagjës së 8-të, dhe, Organizata Joqeveritare “Fuqia e Bashkimit Rinor”./rajonipress/