Nënkryetari i Komunës së Gjilanit Arbër Ismajli i cili njihet si sportdashës i madh në rrjetin e tij social ka uruar vashat e Dritës të volejbollit për titullin e pestë të fituar.
“Të dashur qytetarë,
Vashat nga Gjilani të KV Drita kanë fituar finalen e tretë të “Play Off” në kuadër të Kupës së Kosovës ndaj skuadrës M-Technologie duke u shpallur kampione të Superligës së Kosovës në volejboll.
Këto vasha gjithmonë kanë qenë Kampione të mëdha, duke bërë jehonë në çdo palestër. Jemi shumë të lumtur që Kupa u rikthye aty ku e ka vendin.
Falënderojmë vashat për reprezentimin e tyre serioz, duke na bërë krenar çdoherë me arritjet e rezultateve të tyre! Mirënjohje e thellë edhe për kryetrajnerin, Lorik Ilazi, dhe pronarin e klubit, Jakup Shabani, për menaxhimin dhe rezultatet e arritura!”
