Arben Gashi: Në LDK ende s’kemi folur për koalicionet

Anëtari i Këshillit të Përgjithshëm të LDK’së, Arben Gashi, ka thënë se ende në asnjë forum partiak nuk është diskutuar për koalicionet dhe as për rezultatin e zgjedhjeve të fundit nacionale.

Gashi ka shkruar se nuk ka asnjë informacion se takime të tilla janë mbajtur ashtu qysh kanë raportuar disa media online.

“Lajmet ne disa media per takim dhe per debate ne strukturat e LDK ne lidhje me koalicionin janë te paverteta, une nuk kam marre pjese ne asnje takim, dhe nuk kam informacion se takimi i perfolur te kete ndodhur ndonjehere. LDK e bashkuar”, ka shkruar Gashi.

Ndryshe, ditë më parë, Gashi pati thënë se për koalicionin e LDK’së me AAK’në dhe Nismën duhet të vendos edhe Këshilli i Përgjithshëm, organ ky vendimmarrës në LDK.

Arben Gashi është i vetmi deputet i LDK’së që ka dalë kundër që Ramush Haradinaj të bëhet Kryeministër, duke thënë se po rikthehet koha e LDK’së kur i ka falur pozitën e Shefit të Qeverisë partisë që ka fituar vetëm dhjetë përqind të votave.