Arben Gashi: Isa është mirë të tërhiqet, Luta gjithmonë do të jetë i dyti, e mbështes Vjosën

Arben Gashi, deputet i LDK-së, gjatë emisionit “Komiteti” ka thumbuar Kryetarin e Gjilanit, Lutfi Hazirin.Duke folur për ambiciet e tij për të qenë Kryetar i LDK-së, Gashi tha se Haziri nuk është për këtë punë, se ai do të jetë gjithmonë i dyti.

Sipas Gashit, është po ashtu mirë që Isa Mustafa të tërhiqet nga posti i Kryetarit të LDK-së.

Ai ka thënë se Vjosa Osmani do të sillte një revolucion në skenën politike vendore në rast se bëhet e para e LDK-së.

“E re, e përgatitur profesionalisht, entuziaste dhe një person që besoj që ajo mund të japë kontribut si kryetare e LDK-së. Do të ishte revolucion kulturor e politik në Kosovë nëse një femër do ta udhëhiqte një parti politike në vend. Mendoj se do të ishte pozitive”, tha ai.

Gashi, duke komentuar kandidaturën e mundshme të ish-kryetarit Fatmir Sejdiut, tha se kësaj kishin për t’iu frikësuar ata që ia keqpërdorën besimin Sejdiut. /Gazeta Express/