Sulmuesi nga Kosova, Arb Manaj, po vazhdon me formën e lartë në Ligën e Parë të Turqisë, shkruan Zeri.info.
Sulmuesi nga Klina ka arritur që edhe sot të shënojë për skuadrën e Balikesirsporit.
Balikesirspor shënoi fitore 3-0 në udhëtim te Eskisehirspori. Kjo ndeshje ishte e vlefshme për javën e 31-të.
Ish-sulmuesi i Dukagjinit e Trepçës ’89 golin e shënoi nga pika e bardhë në minutën e 39-të. Për Arb Manajn ishte ky goli i 12-të sezonal, teksa ka regjistruar edhe tre asistime.
Ndryshe, Balikesirspor renditet në pozitën e 13-të me 35 pikë. /Zeri.info
