Arat dhe livadhet te Mulliri i Arapit, dikur më produktivet në Kosovë

Gjilan – Emër me të cilën janë shënuar në regjistrat kadastrale tokat e punueshme dhe livadhet në juglindje të qytetit. Livadhet shtriheshin në hapësirën që nga Mulliri dhe deri te livadhet e Kufcës së Poshtme, afër fshatit Malishevë. Përmes tyre kalonin lumenjtë e qytetit, të cilët bënin që këto livadhe, pjesërisht edhe arat e kësaj ane, të ishin shumë produktive.

Sipas disa të dhënave, livadhet e Mullirit të Arapit, në të cilat pothuajse përherë “flinte” uji, ishin më produktivet në Kosovë e më gjerë. Tani ato janë të pashfrytëzuara dhe të zhytura në ujërat e zeza të qytetit thuhet në librin e historianit Aliriza Selmani:”Gjilani qendër e Anamoravës nga themelimi deri në gjysmën e parë të shekullit XX”./rajonipress/