“AR KATANA” sponsorizon boksierin Leotrim Rexhepin

Gjilan – Muhamet Ajrullahu pronari i kompleksit banesor “AR KATANA”, ka mbështetur boksierin profesionist me 300 euro, për meqin i cili do të zhvillohet me 12 nëntor në Gjilan.

Ajrullahu i cili njihet si njeriu më dorëshlirë në Gjilan, ka pritur në zyrën e tij boksierin Rexhepin duke i ofruar mbështetje. “Jam i nderuar për takimin që kisha me njeriun i cili vazhdimisht i del në ndihmë popullit shqiptarë në të gjitha sferat e tij. Do ta bëjë krenar emrin e kompanisë “Katana”, dëshmorit të kombit i cili sakrifikoi jetën e tij, që ne sot të jemi të lire. Do të bëjë çmos që këtë fitore t’ja dedikoj heroit të Kosovës Agim Ramadani – Katana”, ka bërë të ditur boksieri Leotrim Rexhepi.

Boksieri i talentuar Rexhepi zhvillon meqin e tij të dytë në boksin profesionist, ndërsa ka bërë të ditur se është i gatshëm të bashkëpunoj me të gjitha bizneset. Është mirë që këtij boksieri të talentuar dhe profesionist për herë të parë në historikun e qytetit të Gjilanit t`i bashkëngjiten edhe shumë biznese tjera./rajonipress/