Apostolova: Ratifikimi i Demarkacionit me Malin e Zi, urgjente për Kosovën

Shefja e Zyrës së Bashkimit Europian në Kosovë, Natalija Apostolova, ka thënë se Kosova duhet urgjentisht ta ratifikojë marrëveshjen e Demarkacionit me Malin e Zi.

Sipas Apostolovas, Kosova nuk duhet të mbetet peng i individëve sepse kjo marrëveshje është çështje me interes kombëtar për vendin, njofton Klan Kosova.

Këto deklarime Shefja e zyrës së BE-së në Kosovë, i dha sot për kosovarët gjatë një prezantimi të prioriteteve të Presidencës Bullgare të Këshillit të Bashkimit Europian.