Apologji e të hënës

E zgjedhur nga opusi krijues i poetit dhe eseistit Arsim Halili

1
Te Hani i Çaushit
I ndërronin cigaret plis bardhët
Në oazë rrotulloheshin
Psherëtimat e javës në pritje
Dikush ecte rrugës së mollës
Dikush sillte mollë
Në mëngjesin e kryqëzuar

2
Brezat e Lamit
Zhurmonin edhe pas
Mileniumit të tretë
Të futur në kornizë
Sa herë kalonin
Rrugës K
Hija zgjatje kah lindja

3
Në Han nuk bëra gjumë
E trungut të plepit
Tërthor i rashë
Ati me të birin
U ngatërruan për një dalje
Prapa perdeve
Cikli i epsheve të lakuriqzuar
Mbetet në gjysmë

4.
Sa shumë ditë dhembje palosa
Kur nënës në korridoret e errësuara
Pasthirrmat i shtohen në lindje
Plepit të thinjur i zgjateshin degët
Në mortet e akullta edhe pas të hënës