Apeli i Lutfi Hazirit: Votoni në mënyrë masive për ta përcaktuar fatin e udhëheqjes së Komunës

Gjilan – Sipas informatave të komisionerëve dhe vëzhguesve të LDK’së në Gjilan, deri në ora 14:00 kanë votuar 23 për qind e qytetarëve. Lajmin e ka bërë të ditur kandidati i LDK’së për kryetar të Gjilanit, Lutfi Haziri, në konferencën e mbajtur para pak çastesh, duke thënë se gjatë orës së fundit vërehet një dalje më e madhe në votim.

“Është ditë që qytetari duhet të dalë të votoj dhe ta shfrytëzoj të drejtën e tij kushtetuese dhe ligjore për zgjedhje, duke përcaktuar fatin e udhëheqjes së Komunës për katër vitet e ardhshme. Kur kanë mbetur më pak se katër orë, unë apeloj gjilanasit që nuk kanë votuar akoma që të dalin dhe ta shfrytëzoj të drejtën e tyre”, ka thënë Haziri.

“Unë apeloj edhe tek votuesit e partive të tjera që të dalin me votu sepse në këtë mënyrë bëhen pjesë e suksesit, rezultatit dhe programit qeverisës. Qytetarja me e vjetër me moshë e cila e ka kryer obligimin e saj është Sabrije Jerliu – 100 vjeçare, ndërsa më i riu që ka votuar është Art Mustafa, i cili më 3 nëntor ka mbushur 18 vite. Këta janë shembujt më të mirë të qytetarisë së Gjilanit”, ka shtuar Haziri, në konferencën për gazetarë. /rajonipress/