Apeli i komunës së Gjilanit për festat e fundvitit: ”Kujdes me fishekzjarrët”

Gjilan – Komuna e Gjilanit përmes drejtorisë për mbrojtje dhe shpëtim ka apeluar tek qytetarët dhe në të njëjtin kohë ka kërkuar prej tyre që të jenë maksimalisht të kujdesshëm me fishekzjarrët në prag të festave të fundvitit.

Drejtoria për mbrojtje dhe shpëtim ka dhënë disa udhëzime ose këshilla të rëndësishme për siguri në përdorimin e fishekzjarrëve gjatë festave të fundvitit.

Kjo drejtori në apelin e saj vetëdijësues ka kërkuar nga qytetarët që mos të lejojnë që fëmijët të kenë qasje në përdorimin dhe ndezjen e fishekzjarrëve, pastaj që fishekzjarrët të ruhen në një vend të ftohtë, të thatë dhe larg fëmijëve. Asnjëherë mos i mbani fishekzjarrët në xhepat tuaj dhe mos ndizni fishekzjarrë nën ndikimin e alkoolit.

Sipas apelit të komunës ndezja e fishekzjarrëve bëhet në hapësirë të hapur, larg qytetarëve, shtëpive, ndërtesave dhe automjeteve, mbyllni dritaret, gjatë festave kur ndizen fishekzjarrët, vendosni syzet e sigurisë sa herë që jeni duke përdorur fishekzjarrë, mos eksperimentoni në shtëpi me fishekzjarrë, ato mund të jenë të rrezikshme dhe vdekjeprurëse, mos tentoni të ndizni një fishekzjarrë që nuk ka shpërthyer, prisni 20 minuta dhe pastaj futni në kove me ujë thuhet në apelin e nënshkruar nga drejtoi i DMSH-së Sami Spahiu./rajonipress/