Këngëtarja shqiptare, Anxhela Peristeri, do të përfaqësojë Shqipërinë në Eurovision këtë vit.
Ajo fitoi edicionin e 59-të të Festivalit të RTSH-së, ndërsa “Karma” mban titullin projekti me të cilin do të prezantohet.
Derisa është në finalizim të klipit, artistja e njohur ka ndarë një pjesë me fansat e admiruesit e muzikës duke u shfaqur në një fustan të bardhë e flokë kaçurrela.
“Isha duke qëndruar këtu në të ftohtë, duke menduar se ky videoklip do të jetë i mrekullueshëm. Nuk e kam imagjinuar kurrë se do të marr kaq shumë dashuri vetëm nga traileri”.
“Do të vijë vërtet shumë shpejt dhe jam i sigurt që kemi bërë një punë të shkëlqyeshme me këngën dhe videoklipin! Dua të ju falënderoj nga zemra për të gjithë dashurinë që po tregoni ndaj meje. Keni durim. Më e mira nuk ka ardhur akoma”, shtoi Peristeri në një imazh tjetër të ndarë në Instagram.
Krahas kësaj, Anxhela ditë më parë ndau disa fotografi të tjera me veshje kombëtare të cilat u shpërndanë edhe ne faqen zyrtare të Eurovisionit. /Telegrafi/
