Anulohet meçi i radhës i Haxhi Krasniqit

Boksieri kosovar, Haxhi Krasniqi, ka njoftuar se meçi i tij i radhës, i paraparë për 16 dhjetor, është anuluar.

Krasniqi ka theksuar se meçi është anuluar nga organizatorët kësaj mbrëmjeje boksi, transmeton Express.

Krasniqi ka luftuar dy herë për titull kampioni të botës. Në 51 meçe të deritashme ai ka pasur 46 fitore, 17 me nokaut.

Krasniqi ka shkruar në Facebook: “Miq të dashur, dueli im i radhës ishte i planifikuar për datën 16 dhjetor dhe mezi po e prisja të ngjitesha në ring, por ajo mbrëmje e boksit u anulua nga organizatorët dhe tani po e pres një termin të ri për duelin nr. 52. Deri atëherë, mirëmbetshi”. /Express/