Anton Quni: Demarkacioni nuk kalon!

Zërave kundër demarkacionit me Malin e Zi u është bashkangjitur edhe njëri nga deputetët më me ndikim të Lidhjes Demokratike të Kosovës, Anton Quni. Ai në një prononcim të shkurtër i ka thënë Gazetës Blic se nuk beson se do të kaloj në Kuvend marrëveshja e nënshkruar me Malin e Zi për shënjimin e vijës kufitare.

Madje, ai ka thënë se dëshirë e tij është që të dështoj kjo marrëveshje.

“Dëshira jonë është të dështojë, edhe besojë që demarkacioni nuk kalon”, tha Anton Çuni për Gazetën Blic, nëpërmjet një mesazhi telefonik.

Ndërkohë, gjatë ditës së djeshme, ishte edhe shefi i deputetëve të PDK-së, Adem Grabovci i cili kishte befasuar me një deklaratë të dhënë për kufirin me Malin e Zi.

“E di ku ka qenë zona kufitare edhe në kohën e luftës ku kemi has. Zona e mëhershme kufitare është në shpërpushje me versionin e Murat Mehës. Historikisht dihet se kufiri ka qenë në Kullë dhe diku pesë apo gjashte kilometra është tërhequr prapa në brendi të Kosovës”, kishte thënë Grabovci.

Në anën tjetër, partitë opozitare tash e sa kohë po kundërshtojnë një marrëveshje të tillë. Ato përpos që protestuan në rrugë dhe përdorën gaz lotsjellës në Kuvend, duke e kundërshtuar këtë marrëveshje, kanë paralajmëruar edhe masa më radikale nëse nuk tërhiqet kjo marrëveshje./ Gazeta Blic