Antikorrupsioni blen bileta pa kontratë

Institucioni i cili do të duhej të ishte shembull në fushën e menaxhimit të parasë publike, është furnizuar me bileta pa kontratë dhe pa procedura të prokurimit.

Agjencia Kundër Korrupsion (AKK), me këtë rast ka bërë shkelje sa i përket furnizimit me bileta për udhëtime zyrtare.
“Te paradhëniet për udhëtime zyrtare në vlerë prej 3,000 euro dhe 5,500 euro, kemi vërejtur se pagesat për biletë të udhëtimit prej 1,158 euro dhe 1,925 euro, janë bërë pa procedura të prokurimit dhe pa ndonjë kontratë të nënshkruar”, thuhet në raportin e Auditorit për vitin e kaluar të AKK-së.

Lidhur me këtë çështje, auditori e vlerëson si rrezik se furnizimi me bileta pa kontratë rrit rrezikun që të paguhen çmime më të larta sesa çmimet reale të tregut. Auditori rekomandon drejtorin e AKK-së se duhet të rishikojë çështjen e transportit dhe të lidhë kontratë për furnizim me bileta me ndonjë agjent të udhëtimeve. Kontrata duhet të lidhet përmes procedurave të rregullta të prokurimit…(Tribuna).