Antibiotiku natyral që vret bakteret, forcon imunitetin dhe është përplot antioksidues

Kanella është konsideruar si bimë e veçantë që moti. Në mjekësi përdoret shumë kohë më parë, e mund të quhet edhe si antibiotik natyral që vret bakteret.

Po ashtu, kanella është e pasur me antioksidues, që e forcojnë sistemin imun. Në të kaluarën ishte përdorur edhe si ilaç kundër lodhjes dhe shtimin e energjisë.

Atëherë çmimi i tij ishte me vlerë të artë. Duke marrë vetëm gjysmë lugë kanellë në ditë, personat që vuajnë nga diabeti në masë të madhe do të mund të ulin nivelin e sheqerit në gjak, sepse përbërësit e saj, katehina dhe epikatehina, aktivizojnë insulinën dhe ndikojnë me të.

Ekspertët përmes eksperimenteve kanë vërtetuar se kanella ul nivelin e lartë të kolesterolit të dëmshëm, ndikon kundër kërpudhave, përkatësisht i shkatërron ato dhe parandalon rritjen e tyre. Pos kësaj, kanella është burim i pasur për mangan, hekur, kalcium, bakër dhe zink, e përmban edhe vitamina C, K, pirodoksinë (B6) dhe riboflavinë (B2). Mund ta shtoni dhe në kafe, lëngje të pemëve, mjaltë, ëmbëlsira, drithëra apo në ndonjë formë të përdorimit të përditshëm. Nëse e përdorni përditë, do ta forconi sistemin imun, sidomos në sezonin e ftohjeve dhe të gripit.