Antenat rrezatojnë sa një tharëse flokësh

Një tharëse e flokëve shkakton më shumë rrezatim se një antenë e VALA-s. Kështu i janë kundërpërgjigjur zyrtarët e Postë-Telekomit e Kosovës (PTK) Ministrit të Mjedisit dhe Planifikimit Hapësinor, Dardan Gashi, i cili javën e kaluar kishte deklaruar se operatorët e telefonisë mobile VALA dhe IPKO nuk kanë bërë asnjëherë matjet e rrezatimit të këtyre antenave.

Menduh Abazi, drejtor i Departamentit për Relacion me Publikun në PTK ka thënë të kundërtën.

“VALA ka angazhuar ekip ekspertesh nga Fakulteti Elektroteknik i Prishtinës dhe Universitetit Politeknik i Tiranës për matjen e rrezatimit elektromagnetik jo jonizues (jo radioaktiv) të transmetuar nga antenat e stacioneve bazë”, ka thënë Abazi (Tribuna).