Gjilan – Me kënaqësi ju njoftojë se Ansambli Gjilani u shpërblye me çmimin e publikut në Festivalin e Këngës Epike dhe Lirike, i cili u mbajt në Bashkinë e Matit konkretisht në qytetin e Burrelit-Shqipëri.
Ansambli ynë u paraqit me Këngë të pastra shqipe kryesisht të trevës sonë, edhe pse po përballemi me vështirësi të mëdha Ansambli ynë po arrin të ruaj dhe kultivoj traditat tona shekullore, duke iu falënderuar Artistëve të shumtë gjilanas që kanë vullnet të pa thyeshëm për t`i ruajtur këto vlera ka thënë Nehat Ferati kryetar i Ansamblit.
Ferati e ka falënderuar jurinë profesionale për vlerësimin, mbi të gjitha ka falënderuar organizatorin Bashkinë e Matit dhe Drejtorin z.Sokol Meta, për pritjen dhe që me shumë punë e sakrificë ka arritur që ta organizojë një ngjarje aq me vlera kulturore tha Ferati./rajonipress/
