Ankohet Rita

Rita thotë se këngëtaret femra përballen me sfida të shumta ndryshe nga meshkujt dhe e kanë shumë më të vështirë për ta dëshmuar veten e tyre.

Këngëtarja shqiptare Rita Ora, është ankuar se industria muzikore është një vend shumë më i vështirë për femrat. Ylli i hitit “I Will Never Let You Down”, thotë se këngëtaret femra përballen me sfida të shumta ndryshe nga meshkujt dhe e kanë shumë më të vështirë për ta dëshmuar veten e tyre. “Pa e tepruar shumë, mendoj se gjithmonë ka qenë më e vështirë për femrat në të gjitha aspektet, shkruan Zëri.

Sa herë që kemi një mendim, gjithmonë duket se është marrë nga konteksti. Si një femër në këtë industri, gjithmonë ka qenë me të dëshmuarit e vetvetes, prandaj jam e lumtur që jam në panelin e ‘The Voice’ me meshkuj aq të suksesshëm”, ka deklaruar anëtarja më e re e panelit vlerësues të shout të famshëm për talente të reja, “Voice UK”.

Rita gjithashtu ka deklaruar se njerëzit janë rritur me frikën e përdorimit të termit “feminist’. “Mendoj se njerëzit e marrin termin ‘feminist’ tepër seriozisht. Në këtë industri, të gjithë udhëheqësit e shtëpive të incizimit, janë meshkuj. Gjithmonë kam qenë e zëshme rreth asaj që femrat të qëndrojnë të bashkuara”, ka shtuar ajo. Rita Ora do t’i bashkohet Sir Tom Jones, Will.i.Am dhe Ricky Wilson në “The Voice UK”, ku do të fillojë sezoni i ri më 10 janar. /Zëri/