Anketa: Shqiptarët e Luginës e përkrahin pjesërisht reciprocitetin me veriun e Kosovës
RajoniPress
07:58, 31 Mars, 2019
Këshilli për të Drejtat e Njeriut ka prezantuar të premten në sallën e OSBE-së në Bujanoc rezultatet e anketës që ka zhvilluar në kuadër të projektit „Keni të drejtë të dini çdo gjë rreth dialogut”.
Anketa është bërë në Preshevë, Bujanoc dhe Preshevë duke shfrytëzuar metodat e rastit me rreth 400 anketues, që është menduar për ofrimin e modeleve reprezentative dhe renditjen në baza etnike, shkruan Titulli.com.
Pjesëmarrësit e anketës në pyetjen se a duhet të ketë reciprocitet mes veriut të Kosovës dhe Luginës së Preshevës janë përgjigjur pozitivisht 51% e të anketuarve.
Shqiptarët, serbët dhe romët janë radhitur sipas vendeve (urbane/rurale ndërsa anketa u realizua gjatë periudhës janar-shkurt 2019.
Anketa është pjesë e projektit të mbështetur nga Ambasada e Zvicrës në Serbi./Titulli.com/
