Futbollisti kosovar i Hannoverit, Adrian Nikçi, ishte futur nga gazeta gjermane “Bild” në listën e beqarëve më të pashëm të Bundesligës gjermane.
Mirëpo, kjo i ka hapur Nikçit telashe, pasi ai tregon se ka një të dashur. “Unë kam të dashur”, ka thënë Nikçi 22-vjeçar për gazetën zvicerane “Blick”. Nikçi ka treguar edhe se si ka hyrë në listën e beqarëve.
Ai thotë se në verë kur ishte i lirë ishte pyetur nga mediumet gjermane nëse është në lidhje, mirëpo ai thotë se tash ka të dashur. “Më kanë pyetur shumë kohë më parë. Tash kam ndërruar statusin”, ka thënë Nikçi. Në listën e beqarëve të Bundesligës janë edhe Granit Xhaka e Xherdan Shaqiri.
