Ankesat “e mykura” mund të refuzohen

Operatorët Ekonomikë pritet të marrin përgjigje brenda një kohe të shkurtë për 250 ankesat që i kanë drejtuar në Organin Shqyrtues të Prokurimit (OSHP), që ndryshe njihet si “gjykata e tenderëve.

Por ata nuk pritet të marrin përgjigjet e pritura. Anëtarët e rinj të zgjedhur të mërkurën nga Kuvendi i Kosovës më në krye Hysni Hoxhën, Ekrem Salihu, Tefik Sylejmani, Vjollca Kurteshi dhe Bajram Zogiani, pritet që të enjten të marrin vendim nëse do t’i shqyrtojnë ankesat e grumbulluara përgjatë kohës sa ky institucion ka qenë jofunksional.

Kryetari i rizgjedhur i OSHP-së, Hysni Hoxha, ka thënë për Tribuna se u ka skaduar afati kohor për shqyrtim të ankesave të grumbulluara. Por ai, nuk ka precizuar nëse do të shqyrtohen këto ankesa. Hoxha ka paralajmëruar se të enjten do të mblidhet Bordi i ri për të marrë një vendim në lidhje me atë nëse do të shqyrtohen ankesat të cilat nuk kanë bazë ligjore për t’u shqyrtuar…(Tribuna).