Angela Martini zbulon projektin më të ri

​Martesa e pazakontë e tërësisht private, dhuratat luksoze, udhëtimet në vendet e parajsës apo detaje të tjera nga jeta e saj të ngjajnë të gjitha si një film me seri, çdo pjesë e re e të cilit është një surprizë më vete.

Ajo që i gëzon të gjitha këto është, pa asnjë dyshim, Angela Martini, e cila nuk resht së surprizuari të gjithë ndjekësit e saj në rrjetet sociale. Aq sa u mahnitën nga martesa e menjëhershme e pak javëve më parë, aq edhe mbetën pa fjalë nga projekti që Martini zbuloi vetëm disa ditë më vonë. Filmi në të cilin modelja do të jetë pjesë është një prodhim i bashkëshortit të saj Dragos Savulescu.
Por surprizat nuk paskan mbaruar.

Si një modele që e njeh mirë këtë lloj biznesi, Angela e di po aq mirë se modelingu ka nevojë për më shumë hapësirë, kështu që, së fundi, ajo ka menduar edhe të hapë një faqe të re me emrin e saj. Në www.angelamartini.net, kushdo mund të mësojë më shumë për modelen shqiptare, aktivitetet e saj artistike, setet e fotografive apo edhe projektet e tjera në fushën e modës.

Ndërkohë, Angela dhe bashkëshorti i saj vazhdojnë të shijojnë muajin e mjaltit ne ishujt e nxehtë të Seychelles, në Afrikën Jugore.